Рабочыя вывозяць з Курапатаў тэхніку і бытоўкі. Пра гэта ў сацсетках паведаміў маладафронтавец Зміцер Дашкевіч.
Як паведамляла Еўрарадыё, 1 сакавіка абаронцы Курапатаў сустракаліся са старшынёй Мінгарвыканкама Андрэем Шорцам. Чыноўнік паабяцаў, што працы на будаўніцтве бізнэс-цэнтра каля Курапатаў будуць спыненыя прынамсі на тыдзень.
Таксама чыноўнікі прапаноўвалі абаронцам мемарыяла зняць лагер, аднак тыя адмовіліся, пакуль не атрымаюць пісьмовую пастанову аб адмене будаўніцтва.