YouTube змагаецца з прапагандай
З YouTube выдалены канал "Дума ТБ", які належаў Дзярждуме Расіі. На ім было больш за 100 тысяч падпісчыкаў. Чыноўнікі і дэпутаты адразу ж згадалі, што ўжо даўно збіраліся заблакаваць відэахостынг.
Андрэй Клішас з Савета Федэрацыі РФ, вядомы ініцыятывамі па блакіроўцы інтэрнэту, заявіў, што YouTube ідзе да таго, каб стаць у Расіі па-за законам. А афіцыйная прадстаўніца МЗС РФ Марыя Захарава зноў анансавала спыненне працы YouTube у Расіі:
"Мяркуючы па ўсім, YouTube сабе прысуд падпісаў. Захоўвайце кантэнт, пераносьце на расійскія платформы. І хутчэй".
Раней YouTube закрыў доступ да брыфінгу самой Захаравай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут