Марш ультраправых у Варшаве 11 лістапада 2021 года / Agencja Wyborcza.pl
Паміж Варшавай і Бруселем даўно працягваюцца спрэчкі праз рашэнні польскіх уладаў. Такія, як канфлікт з адстаўкай суддзяў Вярхоўнага суда, забаронай на аборты, і іншыя. Па тых жа пытаннях успыхваюць спрэчкі ўнутры самой Польшчы: партыя "Права і справядлівасць", якая мае большасць у парламенце, дэ-факта можа рэалізоўваць амаль усе свае жаданні.
Цяпер напружанне ва ўнутранай палітыцы Польшчы ўзмацняецца і на фоне міграцыйнага крызісу. Расказваем, як і чаму.
"Права і справядлівасць" — правая папулісцкая партыя, якая і так скептычна ставілася да ідэй аб прыняцці мігрантаў. Як і да іншых пытанняў, па якіх у ліберальных сіл даўно ёсць кансэнсус: дазволу абортаў, прызнання правоў ЛГБТК+ людзей і далей па спісе.
Па вуліцах Варшавы ішлі ўльтраправыя — з цалкам зразумелымі лозунгамі. Дапамагчы правесці марш пад лозунгамі супраць мігрантаў — фактычна ўхваліць яго і пагадзіцца з асноўнымі пасыламі крайне правых сіл.
Апазіцыя выступае калі не за прыём мігрантаў, то хоць бы за дапамогу ім. Акрамя таго, "ПіС" жорстка крытыкуюць за адмову пускаць да мяжы журналістаў і праваабаронцаў.
Пра гэта шмат гаварылі і ў часе нядаўняга пасяджэння Сейма, якое апазіцыя па выніках назвала спектаклем, закліканым адлюстраваць, што ўлады неяк вырашаюць наяўную праблему.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут