Днямі для айчыннага сегмента YouTube адбылася знакавая падзея: уладальнікам “сярэбранай кнопкі” стаў відэаблогер, які займаецца аглядам палітычных падзей і навін Беларусі, — Марат Мінскі. На хлопца падпісаліся 100 тысяч карыстальнікаў, што ў два разы больш за канал БелТА, якое называе сабе галоўным інфармагенцтвам краіны.
Ці пазіцыянуе сябе MINSKI як СМІ? Ці прылятае відэаблогеру за яго агляды? На якія кампрамісы прыходзіцца ісці з самім сабой, калі робіш агляды палітычных падзей у Беларусі? Пра гэта і не толькі размаўляем з Маратам у студыі Еўрарадыё.