Водаправодная вада ў пацярпелых ад аварыі раёнах Мінска "адпавядае паказчыкам бяспекі, усталяваных гігіенічным нарматывам", паведамілі ў прэс-службе Мінгарвыканкама.
"Вада можа быць выкарыстаная ў пітных мэтах", — заявілі ў санітарна-эпідэміялагічнай службе Мінска.
Надзвычайнае здарэнне адбылося ўвечары ў сераду, 21 красавіка. Адразу ў некалькіх раёнах — Заводскім, Ленінскім і Кастрычніцкім — знікла вада. Адначасова ў сацсетках пачалі з'яўляцца фота і відэа з вуліцы Убарэвіча, грунтоўна затопленай вадой. Пасля поўначы аварыя на водаправодзе была лакалізаваная, было адноўленае водазабеспячэнне, але санслужбы папярэдзілі, што праз аварыю "магчымае пагаршэнне якасці вады", і рэкамендавалі не піць ваду з-пад крана да атрымання вынікаў даследаванняў.
Гарадскія ўлады ўжо назвалі дзве магчымыя прычыны аварыі: водаправод пашкодзілі падчас будаўніча-мантажных прац альбо паўплывала дрэнная якасць чыгуну, што прывяло да паскоранага зносу трубаправода.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
To see this content visit the full version of this page.