Шэўрон каліноўцаў / Еўрарадыё
На мінулым тыдні быў паранены баец батальёна "Волат" з палка Каліноўскага. Пра гэта на брыфінгу 12 снежня распавяла афіцыйная прадстаўніца палка Крысціна Чабор.
Байца шпіталізавалі, ягонаму жыццю нічога не пагражае. Яго паплечнікі з батальёна "Волат", па словах Крысціны Чабор, "працягваюць паспяхова выконваць баявыя задачы на адным з самых гарачых кірункаў фронту".
Таксама яна заявіла, што на мінулым тыдні ў баявых задачах удзельнічалі мінамётныя падраздзяленні батальёна "Літвін".
Падчас вайны ва Украіне загінула ўжо больш за 15 беларускіх байцоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут