Прэзідэнт Украіны Уладзімір Зяленскі / AP
Прэзідэнт Украіны Уладзімір Зяленскі заявіў, што Расія хоча размясціць у Беларусі балістычныя ракеты. Заяву пра гэта ён зрабіў, адказваючы на пытанні журналістаў, паведамляе hromadske.
Як кажа Зяленскі, размяшчэнне балістычных ракет у Беларусі ў першую чаргу будзе пагражаць заходнім украінскім абласцям.
"І гэта прамое ўцягванне Беларусі ў вайну, і, на мой погляд, яно з'яўляецца вельмі небяспечным і для Беларусі таксама", — сказаў Зяленскі.
Ён таксама паведаміў, што Украіна ўзмацняе СПА ў тых рэгіёнах, дзе больш за ўсё расійскіх удараў.
Прэзідэнт Украіны нагадаў, што Расія выкарыстоўвае рэтранслятары з тэрыторыі Беларусі, якія дапамагаюць расійскім дронам пранікнуць углыб тэрыторыі Украіны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут