Ілюстрацыя з кнігі Паўла Траяна і Крысціны Недашкоўскай / facebook.com/pavlo.troian
У італьянскім выдавецтве "89 books" выйшла кніга былога супрацоўніка ўкраінскай амбасады ў Беларусі Паўла Траяна і Крысціны Недашкоўскай "Belarus by Ukrainian eyes" (Беларусь украінскімі вачыма).
Як піша Траян, у фотаальбом увайшлі фатаздымкі беларускай глыбінкі, якія аўтары зрабілі падчас сваіх падарожжаў у 2017-2021 гадах.
Кніга выдадзеная накладам 100 асобнікаў. Выдавецтва прадае гэтае эксклюзіўнае выданне толькі падчас кніжных выставаў у розных рэгіёнах свету.
Аўтары атрымалі 15 асобнікаў кнігі па сабекошце і хочуць прадаць іх ва Украіне, перадаўшы атрыманыя грошы на дапамогу УСУ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут