28 лютага на беларускім Палессі ў раёне ракі Прыпяць пройдуць украінска-расійскія перамовы. Пра месца іх правядзення напярэдадні дамовіліся Аляксандр Лукашэнка і Уладзімір Зяленскі. Украінскі прэзідэнт скептычна адносіцца да магчымасці дасягнуць нейкіх вынікаў, але лічыць, што паспрабаваць варта. Расійская дэлегацыя прыбыла ў Беларусь раніцай 27 лютага. Украінская дабіралася праз Польшчу, таму перамовы адклалі на панядзелак.
"Перамовы пройдуць ці ў патрэбным Украіне накірунку, ці як рускі ваенны карабель", — піша ўдзельнік украінскай дэлегацыі Давід Арахамія. Ён мае на ўвазе вядомы адказ украінскіх памежнікаў на востраве Змяіны расіянам на прапанову здацца.
МЗС РБ раніцай 28 лютага апублікавала фота памяшкання, у якім адбудуцца перамовы.
Украіна з 24 лютага стрымлівае расійскую агрэсію.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут