Еўропа баіцца новых дыверсій / brestcity.com
Прэм'ер-міністр Фінляндыі Петэры Орпо прапануе Еўрасаюзу цалкам спыніць выдачу турыстычных віз расіянам. Аб гэтым ён заявіў у інтэрв'ю тэлерадыёкампаніі Yle.
Орпо намерваецца падняць пытанне на пасяджэнні Еўрапейскага савета 15–16 кастрычніка. Фінскі прэм'ер растлумачыў, што гэтая мера неабходна для ўмацавання бяспекі Еўропы.
"Мы баімся, што Расія паспрабуе арганізаваць дыверсіі ў Еўропе. Чаму ж мы тады пускаем расіян сюды як турыстаў і дазваляем ім свабодна перамяшчацца?" — заявіў фінскі прэм'ер.
У чэрвені 2026 года Фінляндыя і яшчэ дзесяць краін Шэнгенскай зоны ўжо заклікалі Еўракамісію ўзмацніць візавую палітыку ў дачыненні да грамадзян Расіі. Аднак расіяне па-ранейшаму могуць атрымліваць шэнгенскія візы ў іншых краінах ЕС.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут