У ноч з панядзелка на аўторак у расійскім Яраслаўлі адбыўся выбух газу ў жылым шматкватэрным доме. Здарэнне адбылося каля 4-й гадзіны раніцы. Паводле звестак расійскіх СМІ, вядома пра чатырох загінулых.
Пры выбуху абрынуўся адзін з чатырох пад'ездаў пяціпавярховага дома. У ім было 10 кватэраў. У пад'ездзе налічвалася 40 жыхароў.
Ратавальнікі працягваюць разбіраць завалы. Невядома, колькі дакладна людзей знаходзяцца пад абломкамі.
Паводле папярэдніх звестак, ёсць рызыка, што абваляцца суседнія пад'езды. Іх жыхары эвакуяваныя.