Аварыя, якая адбылася 2 кастрычніка ў Ваўкавыску, пакінула частку горада без халоднай вады.
Як інфармуе Гродзенскае абласное ўпраўленне МНС, зранку ў пятніцу ратавальнікі атрымалі паведамленне, што на вуліцы Катоўскага прарвала трубу халоднага водазабеспячэння дыяметрам 150 мм. Без халоднай вады засталіся 475 прыватных жылых дамоў, сярэдняя школа і яслі-садок. Работнікі харчаблокаў школы і садка забяспечылі запас вады, і харчаванне дзяцей арганізавалі ў адпаведнасці з раскладам.
У 13.20 ратавальнікі ліквідавалі прарыў трубы і аднавілі падачу вады.
Мяркуецца, што прычынай аварыі стала зношанасць трубы.
Фота: ivbg.ru