Акцыя памяці Рамана Бандарэнкі ў Варшаве / t.me
У Варшаве і ў Вільні ўшанавалі памяць Рамана Бандарэнкі. Сёння тры гады з таго дня, як пратэстоўца з Плошчы Пераменаў быў забіты ў Мінску.
Раман Бандарэнка стаў беларускім сімвалам грамадзянскай мужнасці і адвагі. Апошнім яго допісам у сацыяльных сетках сталі словы: "Я выходжу". Цяпер 12 лістапада, у дзень яго гібелі, адзначаецца Дзень Салідарнасці з Беларуссю.
У Варшаве акцыя прайшла на плошчы Вольнай Беларусі. Яе арганізаваў Цэнтр беларускай салідарнасці.
У Вільні мітынг адбыўся на плошчы Вінцаса Кудзіркі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут