Моцны вецер чакаецца ў сераду, ілюстрацыйнае фота / pixabay.com
У сераду, 17 красавіка, у Беларусі будзе воблачнае з праясненнямі надвор'е, паведамляе Белгідрамет.
Месцамі пройдуць кароткачасовыя дажджы, уначы па паўночным захадзе краіны магчымы мокры снег. У асобных раёнах уначы і зранку згусціцца слабы туман. Вецер будзе паўднёва-заходні, а ўдзень — з пераходам на паўночна-заходні 4-9 метраў за секунду, месцамі чакаюцца парывы да 14 метраў за секунду.
Тэрмометры ўначы пакажуць 1-7 вышэй за нуль, а пры праясненнях — ад 0 да 2 градусаў марозу. Удзень паветра прагрэецца да +8...+14.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут