Галіна Кахновіч / gomelspring.org
У Рэчыцы 26 верасня судзілі Галіну Кахновіч. Як адзначае "Гомельская Вясна", асабістыя звесткі асуджанай жанчыны цалкам супадаюць з намесніцай гендырэктара па вытворчасці ААТ "Рэчыцадрэў".
Галіну Кахновіч абвінавацілі ў "распаўсюдзе экстрэмісцкіх матэрыялаў" (ч. 2 арт. 19.11 КаАП).
Справу разглядаў суддзя Юрый Лунцэвіч. Які прысуд ён вынес, праваабаронцы яшчэ высвятляюць.
"Рэчыцадрэў" — адно з горадаўтваральных прадпрыемстваў Рэчыцы. Гэта вялізны перапрацоўшчык драўніны, які мае дзяржаўную форму ўласнаці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут