7 снежня пачынае дзейнічаць спецыяльны фітасанітарны рэжым на ўвоз прадукцыі праз Беларусь, які ўвёў Рассельгаснагляд. Такім чынам расійскі бок спадзяецца прадухіліць пастаўкі прадукцыі невядомага паходжання, у тым ліку санкцыйных тавараў.
Для ўвозу садавіны і гародніны праз Беларусь спатрэбіцца пацвердзіць сапраўднасць сертыфікатаў на яе. Расіяне будуць правяраць сертыфікаты на прадукты з Марока, Егіпта, Ізраіля, Турцыі, Македоніі, Паўднёва-Афрыканскай Рэспублікі, Эквадора, Кітая, Бразіліі, Швейцарыі, Мексікі. Пад праверку трапяць яблыкі, грушы, грыбы, перац, ківі, персікі, ліставая салата, парэчкі, клубніцы, ажыны.
Пастаўкі садавіны і гародніны з Турцыі будуць правярацца да 1 студзеня. А потым пастаўкі турэцкай прадукцыі ў Расію забароняць.
Фота: amic.ru