У нацпарку “Браслаўскія азёры” ад разраду маланкі загінула жыхарка Мінска. Як інфармуе БЕЛТА са спасылкай на ратавальнікаў, жанчына знаходзілася на адкрытай мясцовасці — на беразе возера на турыстычнай стаянцы. Мяркуецца, што гэта і магло стаць прычынай трагедыі. Яшчэ адна жанчына, якая была побач з загінулай, атрымала лёгкія траўмы, патрэбы ў яе шпіталізацыі не было.