Абітурыентаў у Магілёве мала, ілюстрацыйнае фота / pixabay.com
Унікальная сітуацыя склалася ў магілёўскім Універсітэце харчовых і хімічных тэхналогій, заўважыў mogilev.in.
На спецыяльнасць "тэхналагічныя машыны і абсталяванне (інжынірынг у харчовых вытворчасцях)" пасля прыёму "мэтавікоў" засталося 18 месцаў. На іх пададзеная толькі адна заява.
Ці не самай папулярнай у гээтай ВНУ стала сёлета прафесія спецыяліста па эканамічнай бяспецы прамысловага прадпрыемства. На 24 месцы хочуць трапіць 40 абітурыентаў.
Дарэчы, у Магілёве праблема з наборам не толькі інжынераў. На беларускую філалогію ў Магілёўскім дзяржуніверсітэце вылучаныя 20 бюджэтных месцаў. Тры з іх занялі "мэтавікі", а на астатнія 17 прэтэндуе таксама толькі адзін чалавек.
На рускую філалогію з 20 бюджэтных месцаў пяць ужо занятыя, а на астатнія пададзена 14 заяваў.
Сярод замежных моваў самы вялікі попыт сярод абітурыентаў — на англійскую + кітайскую мовы. На 20 месцаў ёсць адзін мэтавік і 23 заявы.
Нізкі попыт і на фізіку + інфарматыку: на 30 месцаў шэсць чалавек ужо залічылі, а на астатнія пададзена толькі пяць заяваў.
Затое на факультэце фізкультуры назіраецца сапраўдны аншлаг. Там з 60 месцаў ужо занятыя 36, на астатнія пададзена яшчэ 62 заявы.
Таксама вялікай папулярнасцю карыстаецца правазнаўства. На 50 бюджэтных месцаў 20 чалавек ужо залічылі. А на астатнія пададзена 104 заяву.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут