Мужчына спрабаваў ударыць міліцыянта нажом у жывот / pixabay.com / pixabay.com
Жыхар вёскі Стадолічы (гэта ў Лельчыцкім раёне) ударыў нажом участковага. Міліцыянт прыйшоў да яго, каб правесці гутарку "аб спыненні асацыяльнага ладу жыцця".
"Мужчына выйшаў з дому насустрач супрацоўніку, трымаючы адну руку за спіной. Міліцыянт папрасіў паказаць руку і ўзяўся за яе", — распавядаюць у прэс-службе МУС. У руцэ ў мужчыны быў нож, якім ён паспрабаваў ударыць участковага ў жывот. Але ў выніку парэзаў яму далонь і грудную клетку. Супраць нападніка распачалі крымінальную справу за гвалт у дачыненні да супрацоўніка міліцыі. Фігуранту 60 гадоў.
У МУС таксама адзначылі, што сёлета распачата ўжо больш за 190 крымінальных спраў па фактах супраціву супрацоўнікам міліцыі альбо гвалту ў дачыненні да іх.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут