Камітэт дзяржбяспекі
У склад аблвыканкамаў і Мінгарвыканкама цяпер па змоўчанні ўключаюцца прадстаўнікі КДК і КДБ.
Адпаведныя змены зробленыя ўказам Лукашэнкі ў Палажэнне аб кадравым забеспячэнні органаў мясцовага кіравання і самакіравання. Ён апублікаваны 7 кастрычніка на Нацыянальным прававым інтэрнэт-партале і набывае моц пасля апублікавання.
Згодна з ім, у склад аблвыканкамаў і Мінгарвыканкама будуць уваходзіць старшыня абласнога Камітэта дзяржкантролю, кіраўнік структурнага падраздзялення КДК па Мінску, начальнік упраўлення КДБ па вобласці або Мінску.
Раней у склад выканкамаў уключаліся міліцэйскія начальнікі, а таксама "іншыя службовыя асобы па рашэнні старшыні аблвыканкама, Мінгарвыканкама па ўзгадненні з прэзідэнтам".
Дарэчы, згодна з новымі нормамі ў аблвыканкамы больш не ўключаюць старшыняў гарвыканкамаў абласных цэнтраў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут