У Казахстане з 11 кастрычніка спыняць вяшчанне адразу восем каналаў, якія ўваходзілі ў пакеты Alma TV, паведамляе казахстанскі сайт tengrinews.kz.
Вяшчанне спыняецца ў сувязі з тым, што каналы не прайшлі абавязковую рэгістрацыю прадстаўніцтваў на тэрыторыі Казахстана.
У гэты спіс трапіў канал "Беларусь 24", а таксама KBS World, ATV ТВ, TV5, Bloomberg, RT Documentary, RT Documentary HD, Russia Today. Тэлеканалы будуць выключаныя з пакетаў лічбавага кабельнага і спадарожнікавага тэлебачання, а таксама інтэрнэт-тэлебачання.