Нейтральная паласа на памежным пераходзе "Брэст" / ДПК
У чэргах на выезд з Беларусі ў Еўразвяз у дадзены момант знаходзяцца каля 720 легкавых аўтамабіляў. Самая вялікая чарга ў пункце пропуску "Брэст" — там выезду чакаюць каля 180 машын. Рух да мяжы зойме 8-10 гадзін.
Цяпер паміж Беларуссю і краінамі ЕС працуюць 7 прапускных пераходаў. Яшчэ два ўлады Літвы закрылі 18 жніўня праз пагрозу дыверсій з беларускага боку. Што негатыўна адбілася на даўжыні чэргаў у іншых прапускных пунктах.
Чэргі на памежных пераходах выраслі ўжо да вечара пятніцы. Сёння раніцай больш за 100 аўтамабіляў чакаюць уезду ў Літву ў пунктах пропуску "Беняконі" і "Каменны Лог". Па 70 машын у зоне чакання на пунктах пропуску "Урбаны" і "Грыгараўшчына" на мяжы з Латвіяй. У апошнім вадзіцелям паведамляюць, што час чакання выезду складзе 12 гадзін.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут