Выступае пракурор раёна / bereza.by
У Бярозе ў Брэсцкай вобласці пракурор раёна Аляксандр Круцько афіцыйна папярэдзіў 5 чалавек "аб недапушчэнні парушэння закона" і нагадаў аб адказнасці. Усе яны былі асуджаныя на "хімію", верагодна, за палітыку, адбываюць пакаранне ў папраўчай установе адкрытага тыпу №3. Мерапрыемства з візітам супрацоўнікаў пракуратуры, відаць, было прымеркавана да "электаральнай кампаніі".
Пракурор расказаў сабраным на сход пра расследаванне справы аб генацыдзе беларускага народа падчас Другой сусветнай вайны, а пасля спыніўся на "злачынствах экстрэмісцкага напрамку", згадаў пра магчымыя пакаранні.
Раённая газета ў рэпартажы пра сустрэчу на "хіміі" піша, што на ёй прысутнічалі і асуджаныя за "абразу прадстаўніка ўлады" — тыя, хто трапіў пад рэпрэсіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут