Кадр з фільма "Мама" / manhattanshort.com
Украінскі фільм "Мама" прыбралі з беларускай прагаму фэсту кароткаметражнага кіно Manhattan Short, заўважыла "Наша Ніва".
Фэст кароткаметражак Manhattan Short прайшоў 27 верасня па 6 кастрычніка ў розных кутках свету. У іншых краінах гледачы пабачылі і галасавалі за дзесяць стужак, а ў Беларусі — толькі за дзевяць.
Фільм "Мама" расказвае пра пачатак вайны ва Украіне. Сюжэт грунтуецца на рэальных падзеях 2014 года, але сцэнарый напісаны пасля паўнамаштабнага ўварвання, якое адбылося ў лютым 2022-га. Здымкі цалкам адбываліся ў Кіеве падчас блэкаўтаў і абстрэлаў.
Беларускія арганізатары праігнаравалі пытанні пра тое, чаму ўкраінская стужка знікла з праграмы.
Манхэтэнскі фэст кароткаметражных фільмаў штогод праводзіцца ў больш як 500 гарадах на шасці кантынентах. Найлепшая стужка, за якую прагаласавалі грледачы, аўтаматычна намінуецца на "Оскар".
Сёлета залатым медалём быў узнагароджаны ірландскі фільм "Room Taken" ("Кватарант"). Срэбра атрымала амерыканская камедыі "Гістарычная драма Джэйн Осцін", а бронзу — французская стужка "Трывожны сігнал".
Дарэчы, ва Украіне Манхэтэнскі фэст адмянілі яшчэ ў летась з-за паказаў для расіян.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут