Cтаршыня Дзяржаўнага ваенна-прамысловага камітэта Дзмітрый Пантус / БЕЛТА
У Беларусі будуць развіваць вытворчасць рэактыўных снарадаў. Пра гэта заявіў старшыня Дзяржаўнага ваенна-прамысловага камітэта Дзмітрый Пантус, перадае БЕЛТА.
Па яго словах, напрыканцы 2022 года Аляксандр Лукашэнка даручыў арганізаваць у Беларусі серыйную вытворчасць боепрыпасаў. За аснову быў абраны самы масавы тып — рэактыўны снарад 122 мм.
Сёння над вытворчасцю гэтых боепрыпасаў у Беларусі працуюць больш за 20 прадпрыемстваў, у тым ліку прыватныя.
13 чэрвеня Лукашэнка наведаў прадпрыемства ў Мінскай вобласці, якое займаецца канчатковай зборкай боепрыпасаў. Адбываецца гэты працэс выключна ўручную. Па словах Пантуса, гэта сусветная практыка, бо такая праца патрабуе асаблівай дакладнасці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут