Следчы камітэт, ілюстрацыйнае фота / belrynok.by
Следчы камітэт пачаў "спецыяльную вытворчасць" на дзевяцярых чалавек. Інфармацыя пра гэта з'явілася ў тэлеграм-канале камітэта.
У спіс увайшлі Віталь Пахомчык, Віктар Пузань, Генадзь Гутар, Ірына Талака, Аляксандр Цярлюк, Анатоль Астроўскі, Людміла Арастовіч, Вольга і Яўген Пруднікавы.
Іх усіх вінавацяць у грубым парушэнні парадку (ч. 1 арт. 342 КК). Віталя Пахомчыка вінавацяць яшчэ і ў абразе прадстаўніка ўлады (арт. 369 КК).
"Спецыяльная вытворчасць" была ўведзеная рэжымам Лукашэнкі для юрыдычнага пераследу апанентаў рэжыму, якія пакінулі Беларусь. Справы расследуюцца завочна, потым гэтак жа завочна адбываецца суд.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут