Ператрус, ілюстрацыйнае фота
20 сакавіка ў Беларусі адбываюцца ператрусы па крымінальнай "справе актывістаў дыяспары". Пра гэта ў сацсетках паведаміў заснавальнік фонду BySol Андрэй Стрыжак.
Па яго словах, выпадкі ператрусаў пакуль нешматлікія.
"Нам вядома да дзесяці выпадкаў. Пакуль гэта не дзясяткі. Справа супраць актывістаў дыяспары перакрыжоўваецца па персаналіях і з чальцамі Каардынацыйнай рады і з Офісам Ціханоўскай. Можа быць дастаткова шмат перакрыжаванняў", — перадае Радыё "Свабода" словы Стрыжака.
Паводле яго, да некаторых людзей сілавікі могуць прыйсці па некалькі разоў за кароткі час. Прычым для іх не важна, што людзей можа не быць у Беларусі ўжо вельмі даўно.
Як распавядала Еўрарадыё, сёння ператрус адбыўся ў мінскай кватэры кіраўніка Malanka Media і платформы ZUBR Паўла Марыніча. Ён жыве па-за межамі Беларусі з 2010 года.
Таксама сёння стала вядома, што Следчы камітэт вядзе расследаванне па актывістах дыяспары, аб'яднаных у "Народныя амбасады" і "Беларусы замежжа".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут