"Вясна" да 8 сакавіка падрыхтавала справаздачу пра тое, колькі жанчын у Беларусі знаходзіцца за кратамі / LookByMedia
Паводле даных "Вясны", у Беларусі застаюцца за кратамі 164 палітычныя зняволеныя жанчыны. Сярод іх — асуджаныя за падтрымку Украіны ў вайне — 25; па "справе дваровых чатаў" — 33; за "салідарнасць з палітвязнямі" — 16; па "справе Гаюна" — 10; па "справе ЧКБ" — 6 жанчын.
Паводле даных праваабаронцаў, з 2020 года не менш за 1917 жанчын былі асуджаныя па крымінальных справах. Мінімум 15 жанчын утрымліваюцца за кратамі з сур’ёзнымі праблемамі са здароўем. Не менш за 9400 жанчын сутыкнуліся з адміністрацыйным пераследам — арыштамі і штрафамі.
Асобна "Вясна" адзначае ўразлівыя групы жанчын, якія трапілі пад крымінальны пераслед.
Сярод іх:
40 шматдзетных маці;
62 жанчыны з сур’ёзнымі праблемамі са здароўем;
82 жанчыны пенсійнага ўзросту.
Мінімум 29 жанчын, якіх пераследуюць па крымінальных справах, маюць замежнае грамадзянства. Акрамя таго, 38 жанчын былі прымусова выдворены з Беларусі, а 58 асудзілі завочна. Таксама вядома, што 113 жанчын уключаныя ў так званы "спіс тэрарыстаў".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут