У Аўстраліі ў раку Хоксберы ўпаў аднаматорны самалёт DHC-2 Beaver, загінулі мільянер Рычард Казінс, выканаўчы дырэктар брытанскай кампаніі Compass Group, і яго сям’я. У самалёце былі шэсць чалавек — пілот і пяць пасажыраў (сярод іх — 11-гадовая дзяўчынка). Яны ляцелі ў Сіднэй.
Трагічнае здарэнне адбылося 31 снежня. На месцы падзення самалёта працавалі ратавальнікі. Былі знойдзены абломкі і некалькі цел загінулых.