30 лістапада ў нашай краіне чакаюцца кароткачасовы снег і галалёдзіца. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Сіноптыкі прагназуюць воблачнае з праясненнямі надвор'е. Уначы будзе пераважна без ападкаў, зранку і ўдзень на большай частцы тэрыторыі кароткачасовы снег. Па захадзе краіны чакаецца мокры снег, слабы галалёд. У некаторых раёнах удзень можа быць слабая мяцеліца. На дарогах месцамі галалёдзіца.
Паводле сіноптыкаў, уначы вецер будзе пераменных напрамкаў 3-8 метраў за секунду, удзень — паўднёва-заходні, заходні 5-10 метраў за секунду, парывы да 14 метраў за секунду.
Тэмпература паветра ўначы апусціцца да -4...-10, пры праясненнях чакаецца да 11-15 градусаў марозу. Удзень сіноптыкі прагназуюць ад -6 градусаў па ўсходзе да +1 па захадзе краіны.