Уладзімір Калтовіч / facebook.com
У адстаўку пайшоў Уладзімір Калтовіч, які апошнія два гады працаваў намеснікам кіраўніка Апарату ўрада. Адпаведная пастанова Саўміна апублікаваная на Нацыянальным прававым інтэрнэт-партале РБ.
Калтовічу 57 гадоў. Раней ён быў міністрам гандлю і антыманапольнага рэгулявання Беларусі (у 2015-2021 гадах), лічыўся "лібералам". Пры ім Мінгандлю стала МАРГам. Яго прызначэнне ў Апарат ураду фармальна было паніжэннем.
Уладзімір Калтовіч рэгулярна карыстаецца сацсеткамі. Раней змяшчаў сваё фота ў вышыванцы. Апошнім часам у яго з'яўляюцца здымкі з вандровак і шматлікія фота катоў. Да таго ж ён моцна змяніўся знешне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут