У аэрапорце, ілюстрацыйнае фота / pixabay.com
У Беларусі ўведзена крымінальная адказнасць за незаконны выезд за мяжу грамадзян, якія маюць доступ да дзяржаўнай таямніцы. Дапаўненні ў Крымінальны кодэкс прапісаны ў законе нумар 22-3 ад 8 ліпеня "Аб змяненні законаў па пытаннях прафілактыкі безнагляднасці і правапарушэнняў непаўналетніх". Дакумент апублікаваны сёння на Нацыянальным прававым партале.
У новай рэдакцыі выкладзены артыкул 375 КК "Наўмыснае разгалашэнне службовай таямніцы". Другі пункт прадугледжвае, што ў выпадку выезду з краіны без дазволу, калі такая паездка пройдзе без "прыкмет злачынстваў, прадугледжаных артыкуламі 356 і 373 гэтага Кодэкса", служачым пагражае штраф, арышт, абмежаванне або пазбаўленне волі на тэрмін да трох гадоў. У артыкулах 356 і 373 размова ідзе аб адказнасці за здраду дзяржаве і разгалашэнне дзяржаўнай таямніцы.
Калі разгалашэнне службовай інфармацыі пацягне за сабой цяжкія наступствы, служачаму будзе пагражаць абмежаванне волі на тэрмін да пяці гадоў або пазбаўленнем волі на той жа тэрмін.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут