Гомельскія памежнікі спынілі спробу нелегальнага перасячэння мяжы. Удзень 3 студзеня яны разам з мытнікам правяралі аўтамабіль ВАЗ расійскай рэгістрацыі, якім кіраваў грамадзянін Туркменістана і заўважылі парушальніцу. 22-гадовая жанчына з Туркменістана знаходзілася ў... вялікай гаспадарчай сумцы ("сумка, якая падавала прыкметы "жыцця"). На час разбіральніцтва замежнікі змешчаныя ў ізалятар часовага ўтрымання УУС Гомельскага аблвыканкама. За замах на незаконнае перасячэнне мяжы і парушэнне правілаў знаходжання ў іх дачыненні склалі адміністрацыйныя пратаколы. Маладому чалавеку пагражае адказнасць за дапамогу суайчынніцы ў незаконным перасячэнні мяжы, інфармуе прэс-служба Дзяржаўнага памежнага камітэта Беларусі.