Арцыбіскуп Тадэвуш Кандрусевіч упершыню пасля аперацыі выйшаў да вернікаў. 14 красавіка ён асабіста ўзяў удзел у адзначэнні Вербнай нядзелі ў Кафедральным саборы Найсвяцейшай Панны ў Мінску.
Як паведамляе Радыё Свабода, кіраўнік беларускага касцёлу прывітаў вернікаў і паведаміў, што перанёс аперацыю, якая хоць і прайшла без ускладненняў, але накладае шмат абмежаванняў. Са слязмі на вачах арцыбіскуп падзякаваў за падтрымку і сказаў, што пакуль не зможа прысутнічаць на ўсіх набажэнствах.
Нягледзячы на перанесеную аперацыю, цягам апошняга месяца Тадэвуш Кандрусевіч актыўна выступаў са зваротамі, якія тычыліся зносу крыжоў у Курапатах.
Мітрапаліт быў планава праапераваны 13 сакавіка ў сувязі з праблемамі з апорна-рухальным апаратам.