Сяргей Ясінскі / abff.by
Пасаду галоўнага трэнера футбольнай зборнай Беларусі U-21 пакінуў Сяргей Ясінскі.
Спецыяліст сам падаў у адстаўку, і выканкам АБФФ 28 лістапада задаволіў яго просьбу.
Ясінскі пералічыў вынікі "маладзёжкі" за 2023 год. Каманда правяла восем афіцыйных сустрэч. Пры гэтым у адборы на Еўра-2025 зборная Беларусі (U21) толькі тройчы згуляла ўнічыю, а пяць матчаў прайграла. У выніку каманда заняла апошняе месца ў адборачнай групе G.
"Гэта не той вынік, за які можна чакаць узнагарод. Задача не выкананая. Ёсць маё рашэнне прасіць аб адстаўцы. Прашу членаў выканкама задаволіць маё прашэнне", — заявіў Ясінскі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут