Сямашка распавёў, пра што дамовяцца ў Сочы Лукашэнка і Пуцін

Чытаць болей: Мядзведзеў паабяцаў, што за "дэмпінг" з Беларуссю будуць разбірацца

"Я амаль на сто адсоткаў перакананы, што 13 лютага будзе рашэнне гэтых пытанняў — і падатковага манеўру, і што тычыцца нафты і газу і г. д. — цытуе словы Сямашкі БЕЛТА. — Ёсць і іншыя актуальныя тэмы — мяса-малочная, пытанні ўзаемных паставак тэхнікі. Такая тэматыка, хутчэй за ўсё, будзе пераважаць на сустрэчы 13 лютага".

Беларускі пасол нагадаў, што дзейнічае беларуска-расійская група па інтэграцыі (яна створана па рашэнні Лукашэнкі і Пуціна) і яна мусіць выпрацаваць сумесную праграму дзеянняў. Сямашка кажа, што спачатку трэба "напрацаваць цэлую базу нейкіх праектаў заканадаўчых актаў", пасля гэтага пройдуць унутрыдзяржаўныя працэдуры, узгадненні. Ну а пасля гэтага нейкія пытанні могуць вынесці на рэферэндум. "І толькі пасля зацвердзіць і прыняць пэўныя стратэгічныя рашэнні", — сказаў пасол.