У Гарадку прайшлі першыя сустрэча на праймерыз беларускай апазіцыі. У выбары адзінага кандыдата ў гэтым райцэнтры прынялі ўдзел восем чалавек, піша "Наша Ніва".
Найбольшую колькасуь галасоў атрымаў лідар руху "За Свабоду" Юрась Губарэвіч — чатыры. Яшчэ тры чалавекі прагаласавалі за сустаршыню БХД Паўла Севярынца, а адзін — за намесніка старшыні Партыі БНФ Аляксея Янукевіча.
За званне адзінага кандыдата ад аб'яднанай апазіцыі таксама спаборнічаюць лідар АГП Мікалай Казлоў і сустаршыня БХД Вольга Кавалькова.
Удзельнікі праймерыз плануюць наведаць 56 беларускіх гарадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.