Аб тым, што следчыя шукаюць сведкаў трагічнага здарэння на атракцыёне ў Парку Чалюскінцаў, паведамляе афіцыйная старонка Следчага камітэта ў Фэйсбуку:
"УСК па г. Мінску вызначаюцца абставіны смяротнага траўміравання работніка парку, на атракцыёне "Амерыканскія горкі" ў парку Чалюскінцаў. На дадзены момант на месцы здарэння працуе следча-аператыўная група. Паводле папярэдняй інфармацыі, каля 15 гадзін работнік зайшоў у забароненую зону падчас працы атракцыёна і быў траўмаваны рухомым вагончыкам. Ад атрыманых траўмаў мужчына 1959 года нараджэння памёр на месцы здарэння. Следства звяртаецца да відавочцаў трагедыі, просіць іх звярнуцца ў Першамайскі РАУС па тэл.280-02-02, 280-36-92”.
Трагічнае здарэнне адбылося каля 15-ай гадзіны ў мінскім парку Чалюскінцаў. Сведкі паведамляюць, што адміністратар "амерыканскіх горак" спрабаваў дастаць з рэек навушнікі.