Каля 10 беларусаў з'ехалі ваяваць за тэрарыстычную групоўку "Ісламская дзяржава". Такую лічбу назваў журналістам міністр унутраных спраў Ігар Шуневіч.
"Для мяне нават калі адзін чалавек вырашыў стаць баевіком — гэта шмат. Ён жа ў любы момант можа вярнуцца ў Беларусь з баявым вопытам, гранатай або зброяй. Але такія прэцэдэнты ёсць. Намі выяўлена не больш за дзясятак такіх чалавек. Па кожным вядомым нам выпадку мы праводзім праверку і будзем даваць прававую ацэнку", — цытуе БЕЛТА заяву міністра.
Шуневіч адзначыў, што нельга адназначна выявіць, з якой прычынай нашы суграмадзяне выязджаюць за мяжу. Чалавек не дэкларуе сваё жаданне ваяваць, а проста едзе ў Турцыю, а адтуль ужо — на тэрыторыю "Ісламскай дзяржавы".
Па словах міністра, праваахоўнікі кажуць пра ўдзел у баявых дзеяннях, толькі калі маюць фактычныя звесткі.
Фота: БЕЛТА