Амерыканскі сенатар Крыс Мёрфі заклікаў да поўнай рэалізацыі санкцый супраць беларускіх уладаў.
На яго думку, новы "пакет санкцый мусіць быць падрыхтаваным зараз, на выпадак, калі безразважнасць і рэпрэсіі з боку Лукашэнкі павялічацца".
Пры гэтым, ЗША і еўрапейскія краіны павінны інвеставаць больш у незалежныя медыя такіх краін, як Беларусь і Украіна. Зараз сенатар працуе над тым, каб больш сродкаў выдзялялася і на барацьбу з прапагандай.
Нагадаем, у траўні Мёрфі разам з амерыканскімі сенатарамі Жаннай Шахін і Робам Портманам наведалі Літву і Украіну. У Літве адбылася сустрэча дэлегацыі са Святланай Ціханоўскай. Яны абмеркавалі стан правоў чалавека ў Беларусі, а таксама інцыдэнт з авіялайнерам і затрыманне журналіста Рамана Пратасевіча.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут