Служба бяспекі Украіны зняла забарону на ўезд з беларускага спевака Макса Каржа. Пра гэта сам артыст паведаміў у сваім акаўнце ў Instagram.
"Не ведаю навошта СБУ прыняла гэтае рашэнне, у іх была ўся ўлада не рабіць гэтага, але я зусім не супраць такой "амністыі". Не гледзячы на тое, што я з Беларусі, ва Украіне людзі мяне ведаюць не першы год, я ніколі наўмысна не ўяўляў ніякай пагрозы бяспекі гэтай краіны, наадварот заўсёды з усёй душой і цяпер жадаю хутчэйшага міру і дабрабыту. Але паколькі зараз мне зноў можна ўязджаць ва Украіну, народ дакладна не зразумее, калі я не зраблю вялікі канцэрт у Кіеве", — напісаў Макс Корж у сацсетцы.
Канцэрт у Палацы спорту ў Кіеве ён запланаваў на 23 снежня.
У лютым 2016 года СБУ забараніла Максу Каржу ўезд ва Украіну, бо ў 2015-м ён выступаў з канцэртамі ў Крыме, акупаваным Расіяй. Тым не менш пасля забароны Корж афіцыйна наведваў Кіеў і нават рабіў там фатаздымкі.
16 снежня Макс Корж выступіць у "Мінск-Арэне". Музыка прэзентуе свой новы альбом "Малый повзрослел 2".
To see this content visit the full version of this page.