Савет Еўропы зноў заклікаў Беларусь увесці мараторый на смяротнае пакаранне "у якасці першага кроку да яго адмены". Такім чынам ён адрэагаваў на чарговы смяротны прысуд, вынесены ў нашай краіне.
Беларусь — адзіная краіна ў Еўропе, у якой існуе смяротнае пакаранне. 9 студзеня ў Бабруйску быў вынесены смяротны прысуд 36-гадоваму Аляксандру Асіповічу, які быў прызнаны вінаватым у жорсткім забойстве дзвюх дзяўчат.
У заяве прадстаўніка Савета Еўропы выказваецца спадзяванне, што рашэнне суда будзе адменае судом вышэйстаячай інстанцыі.