Кур'ёзны выпадак з кіроўцам адбыўся ў Гродне, піша "СБ — Беларусь сегодня". Мужчына на Renault прыехаў на пляцоўку, дзе аглядаюць транспартны сродак перад рэгістрацыяй. Інспектару ДАІ падаліся падазронымі паводзіны мужчыны.
Гродзенца накіравалі на медасведчанне, якое паказала, што гаспадар аўто прыехаў нецвярозы. Цяпер яму дадуць штраф і забяруць пасведчанне кіроўцы.