Аляксандр Лукашэнка — нелегітымны кіраўнік / Itar-Tass
Прэзідэнцкія выбары ў Беларусі пройдуць 23 лютага 2025-га, паведамляе BELPOL. Аб'яднанне былых беларускіх сілавікоў спасылаецца на свае крыніцы ў РБ.
Сцвярджаецца, што падрабязныя планы "выбарчай кампаніі" ўжо распрацаваны. У пачатку жніўня 2024 года ва ўсіх аблвыканкамах прайшла іх "абарона". Гэтыя мерапрыемствы "былі зашыфраваны" пад "падрыхтоўку да новага навучальнага года".
Яшчэ ў ліпені міністр унутраных спраў Іван Кубракоў заклікаў сваіх падначаленых не расслабляцца перад выбарамі 2025 года: "Трэба быць гатовымі да любога развіцця падзей!".
Прыблізна тыя ж словы сілавікам і чыноўнікам неаднаразова гаварыў і Аляксандр Лукашэнка. Ён — нелегітымны кіраўнік, у 2020-м прайграў выбары, але заявіў пра перамогу на іх і дагэтуль утрымлівае ўладу ў РБ з дапамогай рэпрэсій.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут