Фронтвумэн гурта "Мигающий жёлтый" Юлка Каціч у межах сольнай серыі замалёвак "Сляпое кіно" прадстаўляе на Еўрарадыё відэа на песню "Venus de Milo and a Piano Teacher". У ім Юлка ўпершыню выступае ў якасці рэжысёра і ставіць перад сабой мэту зняць прыгожую гісторыю.
Песня і кліп выглядаюць даволі класічна: спявачка кажа, што ёй хацелася нечага простага і лёгкага пасля авангарднай творчасці гурта "Мигающий Желтый". Праўда, неўзабаве Юлка збіраецца ўсё ж вярнуцца да больш складаных формаў.
Серыя песенных замалёвак "Сляпое кіно" ад Юлкі Каціч уключае ў сябе 6 трэкаў. Усе яны ўжо выйшлі.
Фота Святланы Варашылавай.