Помнік Адаму Міцкевічу ў цэнтры Мінску нехта размаляваў. Як мінімум з панядзелка на твары скульптуры намаляваныя блакітныя сляды, нібы слёзы. Фотаздымак апублікавала ў сваім акаўнце на Фэйсбуку Ванда Галубоўская.
Помнік польскаму класіку, народжанаму ў Беларусі, з'явіўся ў 2003 годзе з ініцыятывы польскай дыяспары на вуліцы Гарадскі Вал у цэнтры горада. За паўквартала ад яго размяшчаецца Міністэрства ўнутраных спраў.
Мінчанка, якая абнародавала фота помніка, кажа, што ўжо папрасіла гарадскія ўлады прывесці скульптуру ў нармальны стан.