Томаш Шмыт / Sputnik
У Беларусі папрасіў палітычны прытулак польскі суддзя Томаш Шмыт, паведамляюць афіцыйныя СМІ. Паведамляецца, быццам яго пераследавалі і пагражалі за самастойную палітычную пазіцыю.
Шмыт заявіў, што не згодны з палітыкай і дзеяннямі ўладаў, якія пад уплывам ЗША і Вялікабрытаніі вядуць Польшчу да вайны.
Як удакладняе БЕЛТА, Томаш Шмыт — суддзя 2-га аддзялення ваяводскага адміністрацыйнага суда горада Варшавы. Раней ён займаў розныя пасады ў судовай сістэме і органах юстыцыі Польшчы, быў кіраўніком юрыдычнага аддзела ў Нацыянальнай Радзе суддзяў Польшчы.
Калі ён выехаў з Польшчы ў Беларусь — не ўдакладняецца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут