Аўтамабільная чарга / "Наша Ніва"
Польскія памежнікі перасталі прапускаць праз мяжу на свой бок аўтамабілі з беларускай рэгістрацыяй, калі ў салоне няма ўласніка аўто. Паведамленні пра гэта з'явіліся ў памежных тэлеграм-чатах.
Па словах удзельнікаў чатаў, якія перадае "Наша Ніва", памежнікі не прапускаюць аўтамабілі нават пры наяўнасці даверанасці, у тым ліку генеральнай.
Таксама пад забарону трапіў транспарт, які належыць юрыдычным асобам. А гэта перакрывае дарогу аўтамабілістам, якія набылі машыну ў лізінг.
Новыя патрабаванні пачалі дзейнічаць з 9 ліпеня.
Удзельнікі чатаў пішуць таксама, што з 10 ліпеня ў Польшчу з Беларусі больш нельга будзе везці цыгарэты і алкаголь. Яны спасылаюцца на інфармацыю, атрыманую ад польскіх мытнікаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут