У Мінску адбыўся пікет пратэсту супраць нашумелага расійскага фільма "Матыльда". Да кінатэатра "Масква" з самаробным плакатам выйшаў праваслаўны актывіст Валерый Скараходка, піша nn.by.
На плакаце, які падрыхтаваў пратэстовец, — зварот да генпракурора Беларусі Аляксандра Канюка. Скараходка пытаецца, чаму рэжысёр фільма Аляксей Учыцель не сядзіць за распальванне рэлігійнай варожасці.
Побач з актывістам стаялі яшчэ некалькі прадстаўнікоў праваслаўнай царквы.
Паведамляецца, што да пратэстоўца падышлі міліцыянты, яны перапісалі яго пашпартныя звесткі і сышлі.