Вайсковую часць у Гомелі хочуць абнесці вышкамі
У Гомелі вайсковую часць 1242 (Гомельская пагранічная група на вул. Барысенкі, 20) ператвараюць у маленькую крэпасць. Спачатку — крыху раней сёлета — памежнікі закупілі шафы для захоўвання сотняў адзінак агнястрэльнай зброі, ад пісталета да кулямёта. А цяпер часць плануюць абгарадзіць вышкамі.
Незвычайны тэндэр знайшоў ТГ-канал "Флагшток". У адпаведнасці з умовамі дзяржзакупкі, вайскоўцам з в/ч 1242 патрэбны 180 фундаментных блокаў для стварэння "тэхнічных вышак пастоў тэхнічнага назірання вайсковай часці".
Пастаўка блокаў мусіць адбыцца да канца 2022 года.
Часць знаходзіцца ў Савецкім раёне Гомеля, у індустрыяльным квартале. Назіральныя вышкі ўдала дапоўняць тамтэйшы краявід.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут